Леау Роналду барибир тарихдаги энг буюк футболчи дейди

Португалия ҳужумчиси, ҳозирда «Милан» сафида тўп сураётган Рафаэл Леау Криштиану Роналду ва Лионел Мессининг ютуқлари ҳақида фикр билдирди. Бу ҳақда euro-football.ru хабар беради.

Футболчидан жаҳон чемпиони унвонига эга бўлгани сабаб «Интер Майами» форварди Месси томонини олиш керакми, деган савол сўралди.

Леаунинг таъкидлашича, мундиал Роналду учун муҳим, чунки у ҳали бу совринни қўлга киритмаган. Шунга қарамай, унинг фикрича, Португалия терма жамоаси ЖЧ-2026да муваффақиятсизликка учраса ҳам, Роналду футбол тарихидаги энг буюк ўйинчи бўлиб қолаверади.

Маълумот учун, 2026 йилги жаҳон чемпионатида Португалия гуруҳ босқичида Ўзбекистон ва Колумбияга қарши майдонга тушади. Гуруҳдаги яна бир рақиб ҳозирча аниқланмаган. Аргентина эса Жазоир, Австрия ва Иорданияга қарши ўйнайди.