Леау Милан билан скудеттони кутмаганини тан олди

Португалиялик ҳужумчи Рафаэл Леау 2019 йилдан бери “Милан” шарафини ҳимоя қилиб келади. У 2022 йилда Стефано Пиоли бошчилигида А Серия чемпионлигини қўлга киритган, бироқ футболчининг айтишича, бу натижа кутилмаган бўлган. Бу ҳақда euro-football.ru хабар беради.

Леаунинг таъкидлашича, у на скудеттони олдиндан кутган, на мавсумнинг энг яхши футболчиси сифатида эътироф этилишини тахмин қилган. Шунга қарамай, у ўша мавсумни фаолиятидаги энг сермаҳсулларидан бири деб ҳисоблайди — ҳам шахсий кўрсаткичлар, ҳам жамоавий натижа нуқтаи назаридан.

Эслатиб ўтамиз, Леау “Милан”га қадар Португалиянинг “Спортинг” клубида, кейин эса франсуз “Лилл” сафида тўп сурган. Ҳозирда “Милан” Италия чемпионатида иккинчи ўринда бормоқда.