Луис Энрике ПСЖ учун «Челси»ни қулайроқ рақиб деб билдирди

«Пари Сен-Жермен» бош мураббийи Луис Энрике Чемпионлар лигаси 1/8 финалида жамоаси учун қайси рақиб маъқулроқ эканини айтди. Бу ҳақда euro-football.ru хабар беради.

Париж клуби плей-оффдаги саралаш босқичида «Монако»дан ўта олса, кейинги раундда «Барселона» ёки «Челси» билан тўқнаш келади. Дастлабки учрашувда ПСЖ сафарда моноколикларни 3:2 ҳисобида енгганди.

Энрикенинг таъкидлашича, у «Челси» вариантини афзал кўради. Мураббий «Барселона»нинг ўйини жуда ишончли эканини, тўпни назорат қилишни яхши кўришини, юқори прессинг қўллашини ва бир зумда ўйин тақдирини ҳал қила оладиган футболчилари кўплигини қайд этди. Унинг фикрича, «Барса» оптимал ҳолатда бўлса, уни тўхтатиш ниҳоятда мушкул.

«Агар танлаш имконим бўлса, кейинги рақиб сифатида “Челси”ни айтардим. “Барселона”га қарши ўйнаганда, сен фақат жамоага эмас, бутун бир ғояга ҳам қарши турасан — бу эса вазифани янада мураккаблаштиради», — дея Энрике сўзларини испан ОАВ келтирди.

Чемпионлар лигаси 1/8 финал баҳслари март ойида бўлиб ўтади.