Шомуродов Туркия чемпионатининг энг сермаҳсул футболчисига айланди

Ўзбекистон терма жамоаси ҳужумчиси ва “Истанбул Башакшеҳир” клуби футболчиси Элдор Шомуродов Туркия чемпионатида энг сермаҳсул ўйинчи сифатида пешқадамлик қилмоқда. Бу ҳақда euro-football.ru хабар беради.

21-февраль ҳолатига кўра, Шомуродов “гол+пас” тизимида 20 очко жамғарди: 16 та гол ва 4 та голли узатма. Шу кўрсаткич билан у турнирнинг энг яхши тўпурарлар рўйхатида биринчи ўринда бормоқда.

“Галатасарай” юлдузлари билан таққосланганда ҳам Элдор анча олдинда: Мауро Икарди барча мусобақаларда 13 та гол урган бўлса, Виктор Осимҳен миллий чемпионат доирасида 9 та гол билан кифояланган.

Эслатиб ўтамиз, Шомуродов тўп сурадиган Ўзбекистон терма жамоаси 2026-йил Шимолий Америкада ўтказиладиган жаҳон чемпионатига йўлланмани қўлга киритган.