«Ренн» бир таймда «Осер»ни йирик ҳисобда мағлуб этди

Франция Лига 1нинг 23-турида «Осер» ўз майдонида «Ренн»ни қабул қилди ва учрашув мезбонлар учун омадсиз якунланди. Бу ҳақда euro-football.ru хабар беради.

Ўйин тақдири биринчи бўлим ўртасидаги қисқа вақт оралиғида ҳал бўлди. 20-дақиқада Маҳди Камара йиқилган ҳолатда ажойиб зарба билан ҳисобни очди, орадан икки дақиқа ўтиб эса Себастьян Шимянскийнг узатмасидан кейин Эстебан Лепол фарқни иккитага етказди.

Биринчи тайм якунида Камара узоқ масофадан йўллаган аниқ зарбаси билан дубл қайд этиб, танаффусгача ҳисобни 0:3 кўринишига олиб келди.

Ушбу ғалабадан сўнг «Ренн» турнир жадвалида соф бешинчи поғонага кўтарилди. «Осер» эса қуйи қисмда қолиб, охиридан учинчи ўринни эгаллаб турибди.