Анчелотти Роналду ҳақида унинг ўгитини эслаб гапирди
Ҳозир Бразилия терма жамоаси билан ишлаётган машҳур мураббий Карло Анчелотти Криштиану Роналду ҳақида фикр билдирди. Бу ҳақда euro-football.ru хабар беради.
Анчелоттининг айтишича, Роналду у ҳамкорлик қилган энг профессионал футболчилардан бири. Мураббий Cadena SER нашрига таяниб, португалиялик юлдуз бир сафар унга: “Ҳаддан ташқари кўп сув ўсимликни ўлдиради”, деганини эслади. Анчелотти футбол жисмоний жиҳатдан катта юклама талаб қилишини, бироқ тикланиш жараёни ҳам шунчалик муҳим эканини таъкидлади. Унинг фикрича, кўплаб жароҳатлар айнан ортиқча юклама сабаб юзага келади.
41 ёшли Криштиану Роналду ҳозир Саудия Арабистонида “Ал-Наср” сафида ўйнамоқда. Унинг шартномаси 2027 йилнинг ўрталаригача мўлжалланган. Роналду фаолияти давомида беш бор “Олтин тўп”ни қўлга киритган.