Элдор Шомуродов Туркия чемпионатининг энг сермаҳсул футболчисига айланди

Ўзбекистон терма жамоаси ҳужумчиси ва “Истанбул Башакшеҳир” клуби аъзоси Элдор Шомуродов Туркия чемпионатида энг кўп натижа қайд этаётган футболчи бўлиб турибди. Бу ҳақда euro-football.ru хабар беради.

21-февраль ҳолатига кўра, Шомуродов “гол+пас” тизимида 20 очко жамғарган: 16 та гол ва 4 та голли узатма. У айни пайтда турнирнинг тўпурарлар рўйхатида ҳам биринчи ўринда бормоқда.

“Галатасарай” юлдузлари Мауро Икаради ҳамда Виктор Осимҳен билан солиштирилганда, ўзбекистонлик форвард анча олдинда. Икарадининг барча ўйинларда 13 та голи бор, Осимҳен эса миллий чемпионат доирасида ҳозирча 9 марта рақиб дарвозасини ишғол қилган.

Эслатиб ўтамиз, Шомуродов ҳаракат қилаётган Ўзбекистон миллий терма жамоаси 2026 йил Шимолий Америкада бўлиб ўтадиган жаҳон чемпионати йўлланмасини қўлга киритган.