Анчелотти Роналдунг тикланиш ҳақидаги гапини эсллади
Бразилия терма жамоаси бош мураббийи Карло Анчелотти Криштиану Роналдунинг профессионаллиги ҳақида фикр билдирди. Бу ҳақда euro-football.ru хабар беради.
Анчелоттининг айтишича, у ишлаган футболчилар орасида Роналду энг интизомлиларидан бири. Мураббий Роналдунинг бир гапини ҳам ёдга олди: «Жуда кўп сув ўсимликни нобуд қилади». Унинг таъкидлашича, футбол жисмонан катта юклама талаб қилади, бироқ тикланиш жараёни ҳам ниҳоятда муҳим — кўплаб жароҳатлар айнан ортиқча зўриқиш оқибатида юзага келади.
41 ёшли Криштиану Роналду ҳозир Саудия Арабистонида «Ал-Наср» сафида ўйнамоқда. Португалиялик юлдузнинг амалдаги шартномаси 2027 йил ўрталаригача мўлжалланган. Роналду фаолияти давомида беш марта «Олтин тўп»ни қўлга киритган.