Хильемарк турнир вазияти аъло ўйин талаб қилишини айтди

"Пиза" бош мураббийи Оскар Хильемарк Тоскана дербиси арафасида матбуот анжуманида иштирок этди. "Фиорентина" – "Пиза" учрашуви 22-февраль куни Италия чемпионатининг 26-тури доирасида ўтказилади ва старт ҳуштаги 22:30 да (Тошкент вақти билан) янграйди. Бу ҳақда euro-football.ru хабар беради.

Мутахассис бу баҳс оддий ўйин эмаслигини таъкидлади: жамоа унга ҳам тактик, ҳам руҳий жиҳатдан пухта тайёрланиши керак. Хильемаркнинг сўзларига кўра, "Пиза" майдонга фақат ғалаба учун чиқади, турнир жадвалидаги вазият эса жамоани максимум даражада яхши ўйин кўрсатишга мажбур қилмоқда.

Шунингдек, мураббий "Фиорентина"нинг пайшанба куни ўтказган Еврокубок учрашуви "Пиза"га қўшимча устунлик бермаслигини қайд этди. Унинг фикрича, рақиблар чемпионат ўйинига оптимал ҳолатда етиб келади.

Айни пайтда "Фиорентина" 21 очко билан 18-ўринда бормоқда, "Пиза" эса 15 очко жамғарган ҳолда турнир жадвалининг 19-поғонасида жойлашган.