Денни Мёрфи «Тоттенҳэм»нинг тушиб кетишига ишонмаяпти

Лондоннинг «Тоттенҳэм» клубида тўп сурган Денни Мёрфи жамоанинг Англия Премьер-лигасидаги ҳозирги мавсумдаги истиқболлари ҳақида фикр билдирди. Бу ҳақда euro-football.ru хабар беради.

Мёрфи фикрича, «шпорлар» қуйи лигага тушиб кетмайди: жамоада АПЛдаги ўрнини сақлаб қолиш учун етарли куч бор. У кейинги учрашувларнинг барчаси ниҳоятда муҳим бўлишини таъкидлаб, «Тоттенҳэм»нинг эҳтимолий тушиб кетиши ҳақида гап кетаётгани ўзийоқ ғалати ҳолат эканини айтди. BBC собиқ футболчининг сўзларини келтирди.

«Тоттенҳэм» сўнгги турда ўз майдонида «Арсенал»дан 1:4 ҳисобида йирик мағлубиятга учради. Ушбу натижадан кейин жамоа 29 очко билан турнир жадвалида 16-ўринда бормоқда, хавфли зона билан фарқ эса тўрт очкони ташкил этади.