Осимҳен «Ювентус»да ўйнаш орзу эканини айтди

«Галатасарой» ҳужумчиси Виктор Осимҳен «Ювентус» мавзуси бўйича фикр билдирди. Сўнгги йилларда нигериялик форвард бир неча бор Турин клубига ўтиши мумкинлиги ҳақида гап-сўзлар марказида бўлган, бироқ трансфер амалга ошмаган. Ўтган ёзда «Галатасарой» уни «Наполи»дан 75 миллион евроға сотиб олганди. Бу ҳақда euro-football.ru хабар беради.

Осимҳеннинг таъкидлашича, «Ювентус» бой тарихга эга ва унда кўплаб афсоналар тўп сурган улкан клуб. Унинг айтишича, бундай жамоада ўйнаш шараф бўлар эди, аммо ҳозир у «Галатасарой»да ўзини бахтли ҳис қилмоқда. Шунга қарамай, форвард келажакда нима бўлишини олдиндан айтиб бўлмаслигини қўшиб, дунёдаги футболчиларнинг катта қисми «Ювентус»да ўйнашни хоҳлашини қайд этди. Футболчининг сўзларини журналист Фабрисио Романо келтирди.

Чоршанба куни жамоалар Чемпионлар лигасида жавоб учрашувини ўтказади. Илк ўйинда Истанбул клуби ўз майдонида туринликларни 5:2 ҳисобида йирик мағлубиятга учратганди.