Ливерпул ва Челси АПЛ юлдузи Морган Роджерс учун курашади
"Астон Вилла" ярим ҳимоячиси Морган Роджерс АПЛнинг етакчи жамоалари диққат марказида қолмоқда. Бу ҳақда euro-football.ru хабар беради.
23 ёшли футболчи ноябрь ойида бирмингемликлар билан 2031 йилгача мўлжалланган янги шартнома имзолаганига қарамай, унинг яқин келажакда клубни тарк этиши эҳтимоли ҳам истисно қилинмаяпти. Журналист Бен Жейкобс хабарига кўра, Англия терма жамоаси аъзосига "Ливерпул" ва "Челси" аниқ қизиқиш билдирмоқда, музокаралар эса ёзда бошланиши мумкин.
Transfermarkt экспертлари Роджерснинг бозор қийматини 70 млн еврога баҳоламоқда. У жорий мавсумда 38 учрашувда 10 та гол уриб, 7 та голли пас муаллифи бўлди.