Гонсало Гарсия «Бенфика» билан ўйинда Мбаппени алмаштиради
Мадриднинг «Реал» клуби ҳужумчиси Гонсало Гарсия Европа Чемпионлар лигасида «Бенфика»га қарши бўладиган учрашувни асосий таркибда бошлаши кутилмоқда. Килиан Мбаппе жароҳат олди, унинг қанчалик жиддий экани ҳозирча очиқланмади. Бу ҳақда euro-football.ru хабар беради.
Тахминларга кўра, франсуз футболчиси белгиланган муддатдан олдинроқ сафга қайтиши мумкин, бироқ яқин ўйинда Альваро Арбелоа деярли аниқ тарзда жамоанинг энг яхши тўпурарисиз қолади. Diario AS хабарига кўра, «қаймоқранглилар»нинг старт таркибида Гонсало Гарсия майдонга тушади. 21 ёшли испаниялик футболчи аввал ҳам Мбаппени муваффақиятли тарзда алмаштира олган.
«Реал» — «Бенфика» учрашуви бугун 01:00 да (Тошкент вақти билан) старт олади. Лиссабонда ўтган илк баҳсда мадридликлар минимал ҳисобда ғалаба қозонган эди.