Синама-Понгол Сафоновнинг ПСЖдаги ўйинини мақтади
Франция терма жамоасининг собиқ ҳужумчиси Флоран Синама-Понгол россиялик дарвозабон Матвей Сафоновнинг «ПСЖ» сафидаги ўйинларини юқори баҳолади. Бу ҳақда euro-football.ru хабар беради.
Ветеран футболчи Россия чемпионатини мунтазам кузатмаслигини айтди, бироқ Сафонов Франция ва умуман Европа да доимо эътибор марказида эканини таъкидлади.
«Россиялик футболчилар Чемпионлар лигасида яхши чиқиш қилмоқда. «ПСЖ»даги Сафонов ҳам ўз ишини жуда сифатли бажаряпти», — дея унинг сўзларини РИА Новости келтирди.
2025/2026 йилги мавсумда Сафонов парижликлар таркибида 10 учрашувда майдонга тушиб, 4 та гол ўтказиб юборди. Шунингдек, у дарвозасига йўлланган 7 пенальтидан 5 тасини қайтарди.
Бугун, 25 февраль куни Сафонов 27 ёшга тўлди. Клуб дарвозабонни туғилган куни билан илиқ табриклади.