Франция терма жамоаси собиқ ҳужумчиси Сафоновни мақтади
Франция терма жамоасининг собиқ ҳужумчиси Флоран Синама-Понголь Россия дарвозабони Матвей Сафоновнинг “ПСЖ” сафидаги ўйинларини юқори баҳолади. Бу ҳақда euro-football.ru хабар беради.
Ветеран футболчи Россия чемпионатини мунтазам кузатмаслигини айтди, бироқ Сафонов Францияда ҳам, Европа миқёсида ҳам доимо эътиборда эканини таъкидлади.
“Россиялик футболчилар Чемпионлар лигасида яхши кўринмоқда. “ПСЖ”даги Сафонов ҳам ўз ишини аъло даражада бажаряпти”, — дея унинг сўзларини РИА Новости келтиради.
2025/2026 йилги мавсумда Сафонов парижликлар сафида 10 та учрашувда майдонга тушиб, 4 та гол ўтказиб юборди. Шунингдек, у ўз дарвозасига белгиланган 7 та пеналтдан 5 тасини қайтарди.
Бугун, 25 февраль куни Сафонов 27 ёшга тўлди. Клуб дарвозабонни туғилган куни билан илиқ табриклади.