Роналду «Ал-Наср»нинг Про-лига ўйинида асосий таркибда бошлайди

Чоршанба куни Саудия Арабистони чемпионатининг навбатдаги турида «Ал-Наср» майдонга тушади. Жамоа «Ал-Нажма»га қарши баҳсни ўтказади. Бу ҳақда euro-football.ru хабар беради.

Бош мураббий Жорже Жезуш учрашувни илк дақиқалардан қуйидаги футболчилар билан бошлашга қарор қилди: Бенто, ал-Бушайл, Симакан, ал-Амри, Иниго Мартинес, Брозович, ал-Ҳайбари, Коман, Мане, Фелиш, Роналду.

Шу тариқа «Ал-Наср» ҳужум чизиғида ҳақиқий кучли тўртликка таянади: Криштиану Роналду, Жоау Фелиш, Садио Мане ва Кингсли Коман.

«Ал-Нажма» – «Ал-Наср» учрашуви 00:00 да (Тошкент вақти билан) старт олади. Ўйинни матнли трансляция орқали кузатиш мумкин бўлади.

Агар «Ал-Наср» ғалаба қозонса, жамоа Про-лига турнир жадвалида яна якка пешқадамликка қайтади.