Слуцкий бошқарувидаги «Shanghai Shenhua» турнирни мағлубият билан якунлади

Осиё Чемпионлар лигасида етти турдан сўнг «Shanghai Shenhua» плей-офф йўлланмаси учун имкониятларини бой берди. 8-турда «Buriram United»га қарши баҳс Леонид Слуцкий жамоаси учун турнир билан хайрлашиш олдидан сўнгги уриниш бўлди, бироқ «эшикни қарсиллатиб ёпиш» ҳам насиб этмади. Бу ҳақда euro-football.ru хабар беради.

Учрашувда тайланд клуби 2:0 ҳисобида ғалаба қозонди. «Buriram United» биринчи бўлим бошларидаёқ икки бор рақиб дарвозасини ишғол қилди: 11-дақиқада Гуд Кертис, 22-дақиқада эса Супханат Муеанта гол урди. Кўп ўтмай «Shanghai Shenhua» бир киши кам бўлиб қолди ва бу ҳолат ўйиндаги интригани амалда тугатди.

Маълумот учун, Леонид Слуцкийнинг «Shanghai Shenhua» билан амалдаги шартномаси 2027 йил охиригача мўлжалланган.