Слуцкийнинг «Шанхай Шэньхуа»си АЧЛда сўнгги ўйинда ютқазди
«Шанхай Шэньхуа» Осиё Чемпионлар лигасида (АЧЛ) етти турдан сўнг плей-оффга чиқиш имкониятини бой берганди. 8-турда «Бурирам Юнайтед»га қарши баҳс Леонид Слуцкийнинг жамоаси учун турнир билан хайрлашиш олдидан сўнгги уриниш бўлди, бироқ ижобий натижа чиқмади. Бу ҳақда euro-football.ru хабар беради.
Таиланд клуби 2:0 ҳисобида ғалаба қозонди. «Бурирам Юнайтед» биринчи бўлимнинг дастлабки дақиқаларида икки бор рақиб дарвозасини ишғол қилди, кейин эса «Шанхай Шэньхуа»нинг бир футболчиси четлатилиб, ўйиндаги интрига деярли йўқолди.
Қайд этиш жоиз, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.