Ринат Дасаев Сафоновнинг ПСЖдаги ўйинлари ҳақида фикр билдирди
Афсонавий дарвозабон Ринат Дасаев россиялик голкипер Матвей Сафоновнинг франциянинг “ПСЖ” сафидаги иштироки юзасидан муносабатини айтди. Сафонов жамоа асосий таркибида кетма-кет етти учрашувдан бери майдонга тушмоқда. Бу ҳақда euro-football.ru хабар беради.
Дасаевнинг таъкидлашича, агар “ПСЖ” мураббийлар штаби Сафоновга ишонч билдираётган бўлса, демак ҳаммаси жойида. Шу билан бирга, у Сафоновнинг ўйинларини мунтазам кузатмаганини ва аниқ эпизодлар бўйича баҳо бериши қийинлигини қўшимча қилди.
Сафонов Париж клубига 2024 йил ёзида “Краснодар”дан 20 миллион евро эвазига келиб қўшилганди.
2025/2026 йилги мавсумда Матвей 11 та учрашувда ўйнаб, 12 та гол ўтказиб юборди. Тўртта баҳсда эса дарвозаси дахлсиз қолди.