Барселона: Френки де Йонг жароҳати сабаб 6 ҳафтагача ўйнамайди

Барселона расмий сайти Френки де Йонгнинг жароҳат олгани ҳақида хабар берди. Нидерландиялик ярим ҳимоячи пайшанба кунги машғулотда шикастланган. Бу ҳақда euro-football.ru хабар беради.

Тиббий текширувлар 28 ёшли футболчининг ўнг сонининг орқа қисмида ташқи томондан жароҳат борлигини кўрсатди. Клуб маълумотига кўра, тикланиш жараёни беш-олти ҳафта давом этади.

Шу тариқа де Йонг сафга фақат апрель ойининг биринчи ярмида қайтиши кутилмоқда. У яқин учрашувларни, жумладан Чемпионлар лигаси 1/8 финалидаги ҳар икки ўйинни ҳам ўтказиб юборади.

Барселона 28 февраль, шанба куни «Вильярреал»ни қабул қилади.