Кафанов Сафонов ва Хайкин ютуқларини рус менталитети билан боғлади
Россия терма жамоаси дарвозабонлар мураббийи Виталий Кафанов Матвей Сафонов ва Никита Хайкиннинг муваффақиятларида миллий характер ҳам муҳим рол ўйнаётганини айтди. Бу ҳақда euro-football.ru хабар беради.
Хайкин тўп тепаётган Норвегиянинг «Будё-Глимт» клуби илк бор тарихида Чемпионлар лигасининг 1/8 финалига чиқди. Сафонов эса «ПСЖ» сафида шу босқичда майдонга тушади, жамоа эса Франция чемпионатида пешқадамлик қилмоқда.
Кафановнинг таъкидлашича, рус одамнинг руҳияти тарихан “қутқариш, ёрдамга етиб бориш”га мойил бўлиб, бу сифат спортда энг аввало дарвозабонлар фаолиятида яққол кўринади. Мутахассиснинг сўзларини «Match TV» келтирди.
Мураббий шунингдек Австриянинг «Штурм» клубида ўйнаётган Даниил Худяковни ҳам алоҳида тилга олди. Хайкин ҳақида эса у футболчини маҳаллий дарвозабонлик мактаби тарбиялаганини қайд этишга мойил.