«Ал-Ҳилол» натижалари Индзаги келажаги ҳақида савол туғдирди

Саудия Арабистони чемпионатида «Ал-Ҳилол» ҳозирча мағлубият нималигини билмаяпти, бироқ сўнгги баҳслардаги бир нечта дуранглар жамоани турнир жадвалида учинчи поғонага тушириб юборди. La Repubblica хабарига кўра, шундан сўнг мамлакатда Симоне Индзагини бош мураббийликдан кетказиш эҳтимоли ҳақида гап-сўзлар кучайди. Қолаверса, «Ал-Ҳилол» мухлисларининг бир қисми италиялик мутахассисга қарши чиқмоқда. Бу ҳақда euro-football.ru хабар беради.

Шунга қарамай, Индзаги вазиятни хотиржам қабул қилмоқда: унинг шартномаси 2027 йил ўрталаригача мўлжалланган ва муддатидан олдин бекор қилинса, катта миқдордаги компенсация тўланиши кўзда тутилган.

Қайд этилишича, Симоне Индзаги мураббийлар орасида маоши бўйича дунёда Диего Симеонедан кейин иккинчи ўринда туради. Унинг йиллик ойлиги 26 миллион еврони ташкил қилади.