Гвардиола «Будё-Глимт» кучини олдиндан билишмаганини айтди

«Манчестер Сити» бош мураббийи Хосеп Гвардиола Чемпионлар лигасида сенсацион юриш қилаётган «Будё-Глимт» ҳақида фикр билдирди. Бу ҳақда euro-football.ru хабар беради.

Норвегияликлар умумий босқичда «шаҳарликлар»ни 3:1 ҳисобида мағлуб этиб, футбол жамоатчилигини ҳайратга солди. Бироқ, қоғозда камтар кўринган жамоанинг катта натижалари шундан кейин ҳам давом этди: «Будё-Глимт» Мадридда «Атлетико»ни 2:1 ҳисобида енгди, кейин эса турнирдан «Интер»ни чиқариб юборди — миланликлар икки учрашувда ҳам мағлуб бўлди (3:1 ва 2:1).

«Ҳозир ҳамма ‘Будё-Глимт’ қайси даражада ўйнаётганини кўряпти, шундайми? Ҳамма: ‘Вой, қандай жамоа!’ дейапти. Эҳтимол, улар биз билан ўйин олдидан сиз ҳам, мухлислар ҳам уларнинг 20 та учрашувини синчиклаб таҳлил қилмагандирсиз...», — деди Гвардиола матбуот анжуманида. Мураббий шу орқали Норвегиядаги мағлубиятни ортиқча шармандалик сифатида баҳолаш нотўғри бўлганини киноя қилди.

Чемпионлар лигаси 1/8 финалида Гвардиола жамоаси Мадриднинг «Реал»и билан тўқнаш келади, «Будё-Глимт» эса Лиссабоннинг «Спортинг»ига қарши майдонга тушади.