Роберт Левандовски мавсумдан сўнг фаолиятини якунлаши мумкин
"Барселона"нинг полшалик ҳужумчиси Роберт Левандовски жорий Испания чемпионати мавсуми тугагач, футболчилик фаолиятини якунлаш ҳақида жиддий ўйлаётгани айтилмоқда. Бу ҳақда The Touchline нашри хабар берди. Бу ҳақда euro-football.ru хабар беради.
Аввалроқ каталонияликлар футболчининг муддати якунланаётган шартномасини узайтиришни режалаштирмаётгани ҳақида маълумотлар тарқалган эди.
Манбага кўра, 37 ёшли форвард яқин ёзда бутсалари билан хайрлашиш қарорига тобора яқинлашмоқда. Левандовскининг оиласи Барселонада ўзини жуда қулай ҳис қилмоқда ва бошқа мамлакатга, масалан, Саудия Арабистонига кўчиб янги ҳаёт бошлаш вариантига қизиқиш билдирмаяпти.
Левандовски бу мавсум барча турнирларда 31 учрашувда майдонга тушиб, 13 та гол урди ва 3 та голли узатмани амалга оширди.