Слуцкий бошчилигидаги «Шанхай Шэньхуа» турнирни мағлубият билан якунлади
Осиё Чемпионлар лигасида «Шанхай Шэньхуа» етти турдан кейин плей-оффга чиқиш имкониятини бой берганди. 8-турда «Бурирам Юнайтед»га қарши баҳс Леонид Слуцкий жамоаси учун фақат турнир билан муносиб хайрлашиш имконияти эди, бироқ бу уриниш ҳам ўхшамади. Бу ҳақда euro-football.ru хабар беради.
Таиланд клуби 2:0 ҳисобида зафар қучди. Учрашувнинг аввалида «Бурирам Юнайтед» қисқа вақт ичида иккита гол уриб олди, кейин эса «Шанхай Шэньхуа» футболчиси қизил карточка олиб, мезбонларнинг устунлигини янада оширди ва ўйин тақдири амалда ҳал бўлди.
Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.