Губерниев ЖЧ 2026 АҚШдан Златоустга кўчишини ҳазиллашди

Спорт шарҳловчиси Дмитрий Губерниев 2026 йилги футбол бўйича жаҳон чемпионати Шимолий Америкадан бошқа манзилга кўчирилиши мумкинлиги ҳақидаги гапларга ҳазиломуз тарзда муносабат билдирди. Бу ҳақда euro-football.ru хабар беради.

У ижтимоий тармоқларда: «Сезяпман, футбол бўйича жаҳон чемпионатини АҚШдан Златоустга кўчиришади... Ҳамма нарса шунга кетяпти!» дея ёзди.

Таъкидланишича, айни пайтда Златоуст шаҳрида биатлон бўйича Россия кубоги босқичи ўтказилмоқда.

Жаҳон чемпионати 11 июндан 19 июлгача АҚШ, Канада ва Мексикада бўлиб ўтиши керак. Турнирда 48 та миллий терма жамоа иштирок этади.

Амалдаги жаҳон чемпиони Аргентина терма жамоаси ҳисобланади. Қатар-2022 финалида «албиселесте» французларни мағлуб этганди.