Сафонов ПСЖга ишонч бахш этгани таъкидланди
Франция чемпионатининг 24-турида ПСЖ сафарда «Гавр»ни 1:0 ҳисобида мағлуб этди. Учрашувдаги ягона голни биринчи бўлим якунига яқин Баркола киритди. Бу ҳақда euro-football.ru хабар беради.
Le Parisien нашри бу баҳсда майдонга тушган россиялик дарвозабон Матвей Сафоновнинг ўйинини юқори баҳолаб, унинг «қуруқ» ўйин ўтказганини қайд этди.
Материалда айтилишича, Сафонов учрашув бошида (эпизод офсайд билан якунланган бўлса ҳам) муҳим сейв амалга ошириб, ўйин ритмига таъсир кўрсатган. Дарвозабон «Гавр»нинг ҳужумлари пайтида ўзини хотиржам ва ишончли тутиб, ҳаракатлари билан ПСЖга қўшимча ишонч берган.
Жорий мавсумда 27 ёшли голкипер Франция чемпионатида 7 та ўйин ўтказиб, 6 та гол ўтказиб юборган.