Губерниев 2026 йилги мундиал Златоустга кўчирилишини ҳазиллашди

Спорт шарҳловчиси Дмитрий Губерниев 2026 йилги футбол бўйича жаҳон чемпионати Шимолий Америкадан бошқа жойга кўчирилиши мумкинлиги ҳақида киноя аралаш фикр билдирди. Бу ҳақда euro-football.ru хабар беради.

У ижтимоий тармоқлардаги постида: «Сезяпман, мундиални АҚШдан Златоустга кўчиришади... Ҳаммаси шунга кетаётгандек!» дея ҳазил қилди.

Эслатиб ўтамиз, айни кунларда Златоуст шаҳрида биатлон бўйича Россия кубоги босқичи ўтказилмоқда.

Режага кўра, 2026 йилги жаҳон чемпионати 11 июндан 19 июлгача АҚШ, Канада ва Мексикада бўлиб ўтади. Мусобақада 48 та миллий терма жамоа иштирок этади.

Амалдаги жаҳон чемпиони — Аргентина терма жамоаси. 2022 йилги мундиал финалида аргентиналиклар Францияни мағлуб этган.