Икарди агентлари Галатасарой билан келажакни муҳокама қилади
Галатасарой ҳужумчиси Мауро Икардининг агентлари футболчининг клубдаги истиқболи бўйича раҳбарият билан учрашув ўтказишни режалаштирмоқда. Бу ҳақда euro-football.ru хабар беради.
Инсайдер Николо Скира хабарига кўра, томонлар учрашуви апрель ойида Истанбул клуби раҳбарияти билан бўлиб ўтади.
Шу билан бирга, 33 ёшли форвардга қизиқиш билдираётган жамоалар ҳам бор: улар Икардини эркин агент сифатида шартнома таклиф қилиб олишга тайёр.
Икардининг Галатасарой билан амалдаги шартномаси 2026 йил 30 июнгача мўлжалланган. Футболчининг бозор қиймати 6 миллион евроға баҳоланмоқда.
2025/2026 йилги мавсумда аргентиналик ҳужумчи 36 та ўйинда майдонга тушиб, 15 та гол урди ва 2 та голли узатмани амалга оширди.