Торино Лациони ишончли ҳисобда мағлуб этди

А Сериянинг 27-турида Торино ўз майдонида Лациони қабул қилиб, учрашувни 2:0 ҳисобида ўз фойдасига якунлади. Бу ҳақда euro-football.ru хабар беради.

Ўйин умуман олганда тенг курашда ўтди, бироқ мезбонлар вазиятлардан анча унумли фойдаланди. 21-дақиқада Дуван Сапата зарбаси ҳимоячига тегиб йўналишини ўзгартирди, дарвозабон ҳамда Лука Пеллегрини эпизодда ишончлироқ ўйнаши мумкин эди. Натижада Жованни Симеоне қайтган тўпни дарвозага жойлаб, ҳисобни очди — 1:0.

Иккинчи бўлим бошида Торино устунлигини мустаҳкамлади: 53-дақиқада Сапата Рафаэл Обрадорнинг узатмасини бош билан якунлаб, ҳисобни 2:0 кўринишига келтирди.

Ушбу натижадан сўнг Торино турнир жадвалида 13-ўринни бўлишиб турибди. Лацио эса кетма-кет тўртинчи ўйинда ҳам ғалаба қозона олмади ва 10-поғонада қолмоқда.