«Бавария» раҳбари ЧЛ қуръаси ва «Аталанта» ҳақида фикр билдирди

«Бавария» бош директори Ян-Кристиан Дризен Чемпионлар лигаси қуръаси натижасида жамоа турнир жадвалининг мураккаб томонига тушиб қолганига муносабат билдирди. Мюнхен клуби «Аталанта»дан ўтса, кейинги босқичда «Реал» – «Манчестер Сити» жуфтлиги ғолибига қарши майдонга тушади. Бу ҳақда euro-football.ru хабар беради.

Дризеннинг айтишича, турнир сеткасининг ўнг томони нисбатан осонроқ кўринади ва ҳеч ким «Бавария» чап томонга тушганидан хурсанд, деган гапга ишонмайди. Шунга қарамай, у кучли рақибларга қарши ўйнаш ва оғир ўйинлар ўтказиш ҳам жамоа учун фойдали тажриба эканини таъкидлади.

Клуб раҳбари ҳозирча барча эътибор «Аталанта»га қаратиллишини айтди. Унинг фикрича, бергамоликларнинг «Боруссия»га қарши ўйинлари бу рақибни жиддий қабул қилиш кераклигини кўрсатган. Дризен «Аталанта» Европа лигасини ютганини, финалда эса «Байер»ни мағлуб этганини эслатиб, бу жамоани «но-name» деб бўлмаслигини қўшимча қилди.

Маълумот учун, илк учрашув 10 март куни бўлиб ўтади: «Аталанта» ўз майдонида «Байер»ни қабул қилади.