«Бавария» директори Чемпионлар лигаси қуръаси ҳақида гапирди

Мюнхеннинг «Бавария» клуби бош директори Ян-Кристиан Дризен Чемпионлар лигасидаги қуръадан кейин жамоа оғир томонга тушиб қолганини изоҳлади. Немис гранди «Аталанта»дан ўтса, кейинги босқичда «Реал» – «Манчестер Сити» жуфтлиги ғолибига қарши майдонга тушади. Бу ҳақда euro-football.ru хабар беради.

Дризеннинг айтишича, турнир сеткасининг ўнг томони нисбатан енгилроқ кўринади ва чап тарафга тушганидан хурсандмиз, деб айтишга ҳеч ким ишонмайди. Шунга қарамай, у кучли рақибларга қарши осон бўлмаган ўйинлар ўтказиш ҳам фойдали тажриба беришини таъкидлади.

«Ҳозир бутун эътиборимиз фақат “Аталанта”да. Уларнинг “Боруссия”га қарши учрашувидан кейин бу жамоага жиддий ёндашиш кераклигини кўрдик. Улар Европа лигасини ҳам ютган, финалда “Байер”ни мағлуб этган. Демак, бу умуман номаълум жамоа эмас. Аввал “Аталанта”, кейин қолганига қараймиз», — дея Дризеннинг сўзларини келтиради Bayern & Germany.

Илк учрашувда «Аталанта» 10 март куни «Байер»ни қабул қилади.