«Лион» ва «Нюкасл» илк беш дақиқадаги голларда етакчи

Франциянинг «Лион»и ва Англиянинг «Нюкасл»и Европанинг топ-5 лигалари доирасида учрашувларнинг дастлабки беш дақиқасида урилган голлар бўйича энг юқори кўрсаткични қайд этмоқда. Бу ҳақда euro-football.ru хабар беради.

Якшанба куни «Лион» Франция чемпионатида «Марсель»га қарши баҳсда яна шундай тезкор гол урди. Бироқ бу сафар эрта гол натижани сақлаб қолишга етмади: «Марсель» ўйин давомида вазиятни ўзгартириб, «тўқувчилар»нинг кетма-кет ғалабалар сериясига нуқта қўйди.

Статистикага кўра, «Лион» ва «Нюкасл»да илк 5 дақиқада урилган голлар сони 6 тадан. Кейинги ўринларда 5 тадан кўрсаткич билан Испаниянинг «Алавес»и ҳамда Мюнхеннинг «Бавария»си қайд этилган.