«Ан-Наср» Роналдуга дам олишни маслаҳат берди

Машҳур футболчи Криштиану Роналду жароҳати сабабли тикланиш жараёнларини ўтказмоқда. У шанба куни ижтимоий тармоқлардаги саҳифасида даволаниш жараёнидан олинган суратни жойлаштириб, ўзининг "Ал Наср" клубига бўлажак баҳсда омад тилади. Бу ҳақда euro-football.ru хабар беради.

Ҳозирда "Ал Наср" жамоаси Саудия Арабистони чемпионатида иккинчи ўринда бормоқда. Жамоа турнир жадвалида пешқадамлик қилаётган "Ал Аҳли"дан бир очко ортда қолмоқда, бироқ рақиб жамоа битта кўпроқ ўйин ўтказган. Роналду сафдан чиққани боис, "Ал Наср" ўз уйида "Неом" клубига қарши муҳим учрашувни тажрибали ҳужумчисиз ўтказишга мажбур.

Клуб матбуот хизмати ҳам ўз навбатида Роналдунинг постига жавоб қайтариб, унга дам олишни ва тезроқ соғайиб сафга қайтишни тилади. Мухлислар "Ал Наср" ва "Неом" ўртасидаги баҳсни кузатиш имкониятига эга бўлишади.