Ўзбекистон тарихи музейида Бобо Наққош асарлари намойиш этилди

Бугун 13 апрель куни Тошкент шаҳридаги Ўзбекистон тарихи давлат музейида миллий ва жаҳон санъати уйғунлигини намоён этган муҳим маданий тадбир — “Мероснинг йўлчилари: Бобо Наққош изидан” номли бадиий тўплам тақдимоти бўлиб ўтди. Мазкур нашр ва унга ҳамоҳанг ташкил этилган кўргазма анъанавий тасвирий санъат меросини бугунги талқинлар билан бойитишга қаратилгани билан эътиборлидир.