Янги авлод Starship космик кемаси учириш майдончасига етказилди

SpaceX компаниясининг В3 авлодига мансуб илк Starship космик кемаси — Шип 39 ўзининг Super Heavy Booster 19 тезлатгичи билан бирлаштириш учун Пад 2 майдончасига етказилди. Ушбу жуфтлик Фlight 12 миссияси доирасида коинотга парвоз қилиши режалаштирилган бўлиб, дастлабки маълумотларга кўра, старт 15-май санасига белгиланган. Бу ҳақда Ixbt.com хабар беради.

Янги Starship тизими аввалги версияларга нисбатан сезиларли даражада такомиллаштирилган. Учинчи авлод ракетаси баландлиги 124,4 метрга етади, шунингдек, у енгилроқ ва кучлироқ ҳисобланади. Унинг юк кўтариш қобилияти 100 тоннадан ошади, бу эса В2 авлодидаги 35 тонналик кўрсаткичдан анча юқоридир.

Техник янгиланишлар қаторига ташқи қувурларсиз Raptor 3 двигателлари, оптималлаштирилган иссиқлик ҳимояси ва ёнилғи қуйиш портлари киради. Шунингдек, тезлатгич конструкцияси ўзгартирилиб, қанотлар сони тўрттадан учтага қисқартирилди ва ёнилғи сиғими 4050 тоннагача оширилди.

Super Heavy Booster 19 тезлатгичи аллақачон Старбасе майдончасида 33 та Raptor 3 двигателлари билан статик синовдан ўтди. Гарчи синов жараёнида сув таъминоти тизимида кутилмаган узилишлар юз берган бўлса-да, SpaceX муҳандислари барча техник муаммоларни бартараф этиб, парвозга тайёргарликни давом эттирмоқда.