Янги Toyota бЗ3Х кроссовери сотувга чиқди: нархи 95 минг юандан бошланади

ГАК Toyota қўшма корхонаси 2026-йилги модел йилига мансуб Toyota бЗ3Х кроссоверини расман бозорга чиқарди. Янгиланган автомобил биринчи харидорлар учун 94 800 дан 144 800 юангача бўлган нархда таклиф этилмоқда. Бу ҳақда Ixbt.com хабар беради.

Асосий янгиликлар ҳайдовчиларга ёрдам бериш тизимлари ва автотураргоҳ функцияларига қаратилган. Машина 20 та юқори аниқликдаги датчик, янги миллиметрли радар ва 8 мегапикселли олд камера билан жиҳозланган. Шунингдек, бир тугма босиш орқали автоматик парковка қилиш, видеорегистратор ва 6 кВт қувватга эга ташқи розетка каби имкониятлар қўшилди.

Техник жиҳатдан модел икки хил электр двигател билан тақдим этилади: 204 от кучига эга (200 Нм) ва 224 от кучига эга (210 Нм). Харидорлар 50,03 кВт/соат, 58,37 кВт/соат ва 67,92 кВт/соат сиғимли батареялар танловига эга, бу эса КЛТК сикли бўйича 430, 520 ва 610 км масофани босиб ўтиш имконини беради.

Кроссовернинг ўлчамлари 4600 × 1875 × 1645 мм, ғилдирак базаси эса 2765 мм ни ташкил этади. Модел етти хил рангда ва 18 ёки 19 дюймли ғилдирак дисклари билан сотувга чиқарилган.