Каратысты кіакушынкай са Слоніма змагаліся за медалі

Турнір, у якім змагаліся выхаванцы Дзмітрыя Максімава, сабраў каля 250 спартсменаў з Гродна, Навагрудка, Дзятлава, Гомеля, Мінска і расійскага Зеленаграда. Барацьба была сур`ёзная, а тое, што адбывалася на пляцоўцы, захоплівала відовішчам і азартам.

Удвая прыемна, што сярод залатых медалістаў ёсць і слонімец. Ва ўзроставай катэгорыі 14-15 гадоў і ў раздзеле ката ўзнагароду вышэйшай пробы здабыў Аляксей Іголкін.

Сярэбранымі прызёрамі турніру стала Валерыя Яраш, якая змагалася ў раздзеле кумітэ сярод дзяўчат 12-13 гадоў да 40 кг.

Яе сястра Вікторыя Яраш стала трэцяй ў вагавай катэгорыі да 35 кг.

Кірыл Шастакоў таксама заваяваў бронзавы медаль. Ён выступаў у вагавай катэгорыі да 30 кг сярод юнакоў 6-7 гадоў.

За крок ад п`едэстала спыніўся Арсеній Халімончыкаў, які прайграў саперніку з Мінска.

Сообщение Каратысты кіакушынкай са Слоніма змагаліся за медалі появились сначала на Газета Слонімская.