Мінскія "Грыфоны" абаранілі тытул пераможцаў "Залатой шайбы"

Мінскія "Грыфоны" абаранілі тытул пераможцаў рэспубліканскіх спаборніцтваў "Залатая шайба" ў малодшай узроставай групе (2004-2005 г.н.) у дывізіёне А.

У фінальным паядынку, які прайшоў сёння на "Чыжоўка-Арэне", каманда Цэнтральнага раёна сталіцы была мацнейшая за каманду "Мядзведзь" Маскоўскага раёна Мінска, абыграўшы з лікам 6: 2. Хет-трыкам у вароты суперніка адзначыўся Мікалай Лукашэнка.

Трэцяе месца занялі юныя хакеісты "Гомеля", якія ў матчы за бронзавыя ўзнагароды турніру былі мацнейшыя за "Міраж" з Горак, з лікам 12: 7.