Դավութօղլուն և Ալիևը Դավոսում քննարկել են ղարաբաղյան հակամարտությունը

Ադրբեջանի նախագահ Իլհամ Ալիևը Դավոսում հանդիպել է Թուրքիայի վարչապետ Ահմեդ Դավութօղլուի հետ:

Հանդիպմանը գոհունակություն է հայտնվել երկկողմ բարձր մակարդակի եղբայրական հարաբերություններից: Կարևորվել է Ադրբեջանի և Թուրքիայի համատեղ մասնակցությունը միջազգային մակարդակի հանդիպումներին:

Ահմեդ Դավութօղլուն Ալիևին է փոխանցել Թուրքիայի նախագահ Ռեջեփ Թայիփ Էրդողանի ողջույնի խոսքերը:

Հանդիպման ընթացքում քննարկվել է ղարաբաղյան հակամարտությունը, տնտեսական հետագա համագործակցությունը, ինչպես նաև երկկողմ հետաքրքություն ներկայացնող այլ հարցեր, փոխանցում է Trend-ը: