Արսեն Ջուլֆալակյան. Մտածում եմ ոսկե մեդալի մասին
Ռիոյի Օլիմպիական խաղերին մեկնելուց առաջ հունահռոմեական ոճի ըմբիշ Արսեն Ջուլֆալակյանը խոսեց նախապատրաստության, անելիքների ու սպասումների մասին.
- Ինչպե՞ս է անցել 4 տարիների նախապատրաստությունը:
- Լոնդոնի Օլիմպիական խաղերից հետո սկսվել է հաջորդ Օլիմպիադային նախապատրաստությունը: Բնականաբար, 4 տարի առաջ սկսել եմ պատրաստվել: Նախապատրաստական ընթացքը լավ է անցել, ամեն ինչ նորմալ է:
- Օլիմպիական արծաթե մեդալ ունեք. ոսկու ժամանակը չէ՞:
- Բնականաբար, ժամանակն է: Մտածում եմ ոսկե մեդալի մասին: Անիմաստ է նույն տեղը մնալ, կամ ավելի ցածր արդյունք ունենալ:
- Ինչպե՞ս եք գնահատում այս 4 տարիների ընթացքում ՀԱՕԿ-ի աշխատանքը:
- Մարզասերներն ամեն ինչ տեսել են: Գովելի է, որ նման աջակցություն կա: Օլիմպիական խաղերը ցանկացած մարզիկի երազանքն է:
Չմոռանանք, թե ինչ բարդ ճանապարհ են անցնում մարզիկները. ուրախ ենք, որ ուշադրության կենտրոնում ենք: