Пагавары са мной па-беларуску
Гэтага хлопца накіравалі ў адну са школ райцэнтра выкладаць беларускую мову і літаратуру. Здаецца, нічога тут такога не было, праўда, калі ён на жнівеньскай канферэнцыі педагогаў пачаў размаўляць па-беларуску, прысутныя ўсміхнуліся: пазёрства. Але малады спецыяліст і далей гаварыў усюды і з ўсімі на роднай мове, не саромеючыся. Мясцовае насельніцтва спачатку называла яго дзіваком, аднак жа паступова прывыкла і ўжо не звяртала ўвагі.