Ырă улшăнусем кĕртеççĕ
Халăх пурнăçне меллĕрех тăвас тесе республикăра пĕлтерĕшлĕ ĕçсем чылай тăваççĕ. Кăçал авăн уйăхĕнчи сасăлавра Чăваш Республикинчи районсене муниципаллă округсене куçарĕç. Чăваш Енре Çĕмĕрлепе Красноармейски районĕсем муниципаллă округсене куçнă та ĕнтĕ. Муниципалитетсене пĕрлештернин çитменлĕхсемпе ырă енĕсене Чăваш Республикин Патшалăх Канашĕн депутачĕсем Çĕмĕрлери муниципаллă округа çитсе тишкерчĕç. Районсене пĕрлештерни муниципалитетсен ĕçне ырă улшăнусем кĕртмелле - çакă вырăнти çивĕч ыйтусене тухăçлă т
<p><span>Халăх пурнăçне меллĕрех тăвас тесе республикăра пĕлтерĕшлĕ ĕçсем чылай тăваççĕ. </span>Кăçал авăн уйăхĕнчи сасăлавра Чăваш Республикинчи районсене муниципаллă округсене куçарĕç. Чăваш Енре Çĕмĕрлепе Красноармейски районĕсем муниципаллă округсене куçнă та ĕнтĕ. Муниципалитетсене пĕрлештернин çитменлĕхсемпе ырă енĕсене Чăваш Республикин Патшалăх Канашĕн депутачĕсем Çĕмĕрлери муниципаллă округа çитсе тишкерчĕç. Районсене пĕрлештерни муниципалитетсен ĕçне ырă улшăнусем кĕртмелле - çакă вырăнти çивĕч ыйтусене тухăçлă татса пама май парĕ. Ял тăрăхĕсен хысни те пĕрлешет, территорин аталанăвĕн планĕ те пĕрре пулать. Чи пĕлтерешли – çынсен пурнăç пахалăхне лайăхлатма хушма пулăшусемпе çĕнĕ проектсем хута кайĕç. Вĕсемпе çынсем усă курма пуçланă та ĕнтĕ. Çĕмĕрле ялĕнчи Çĕнтерӳ паркне халăх пуçарăвĕпе тирпей-илем кĕртнĕ. Кунти асфальтлă çул-йĕре, тротуар плиткине, палăксене çĕнĕрен туса лартнă. Депутатсем ытти строительство объекчĕсемпе те паллашрĕç. Тукас ялĕнче шыв кĕртессипе ĕçлеççĕ. Паха та таса ĕçмелли шыв кашни киле çитмелле. Ялта кăвак çулăм пурри те ырлăх. – Г<span>аз туса пачĕç. Газ çукчĕ. Вутăпа кăмака хутмалаччĕ. Халь кунта газ туса пачĕç те. Питĕ лайăх. Ĕçлĕ çул-çӳревре пуçтарăннă ыйтусене депутатсем ларура сӳтсе яврĕç. Çитес çул муниципаллă округсем тулли вăйпа ĕçлеччĕр тесен поселенисен бюджечĕпе инвентаризаци ирттермелле. Парăмсем пулмалла мар. Документсене саккунпа килĕшӳллĕн хатĕрлемелле. Ку ĕçсене маларах туса хурсан йывăрлăхсем пулмалла мар. Районсемпе хуласене муниципаллă округсене куçарас умĕн вĕрентӳ ирттерни те вырăнлă пулĕ, палăртрĕç депутатсем. Елизавета Цветкова, Татьяна Молокова, Николай Скворцов</span></p>
<p> </p>