Բացվել է «Երեւան շոու-2015» ոսկերչական միջազգային ցուցահանդեսը
«Մերիդիան» ցուցահանդեսային կենտրոնում այսօր բացվել է «Երեւան շոու-2015» ոսկերչական միջազգային ցուցահանդեսը:
«Հայ ոսկերիչների համաշխարհային միության» (AJA) կողմից արդեն հինգերորդ անգամ կազմակերպվող ցուցահանդեսին մասնակցում են աշխարհի տարբեր երկրներից հայտնի ոսկերչական ընկերություններ, փորձագետներ:
«Երեւան շոու-2015» ցուցահանդեսի բացմանը ներկա է գտնվել ՀՀ նախագահ Սերժ Սարգսյանը:
Ինչպես հայտնել են ՀՀ նախագահի մամուլի ծառայությունից, Սերժ Սարգսյանը շրջել է ցուցահանդեսի տաղավարներով, դիտել հայրենական եւ արտերկրյա ընկերությունների ներկայացրած ոսկերչական իրերը, ոսկերչական արտադրության սարքավորումները, ծանոթացել այդ ընկերությունների գործունեությանն ու հետագա ծրագրերին։