Новости за 21.12.2015

მორიგი გატაცების ფაქტი ოკუპირებული ტერიტორიიდან. ორი მამაკაცი ოკუპირებული სამხრეთ ოსეთის ადმინისტრაციულ საზღვართან, ზნაურის რაიონის სოფელ კალეთთან წაიყვანეს.

სოფელ კარდენახის საერთო საცხოვრებელში სოციალურად დაუცველებს გაუსაძლის პირობებში უწევთ ცხოვრება. შენობის კედლები და სახურავი კი იმდენად დაზიანებულია, რომ სახლის ჩამონგრევის შიშით ადგილობრივებს ხშირად ღამის გათენება გარეთ უწევთ.

ნინო ახალაძე აცხადებს, რომ მისი 10 წლის შვილი ქვეყნიდან ჩუმად, მისი ნებართვის გარეშე გაიყვანეს. ნინო 2011 წლიდან ნიცაში ქმართან, ბექა ძაგანიასთან ერთად ცხოვრობდა. საქართველოში შვილთან ერთად აგვისტოში ჩამოვიდა და უკან დაბრუნებას აღარ აპირებდა.

მაჟორიტარული საარჩევნო სისტემის გაუქმების მოთხოვნით, დეპუტატებმა მოსახლეობასთან შეხვედრები კახეთიდან დაიწყეს.

მთავრობა მუშაობის 3 წელს აჯამებს - პრემიერმინისტმა დღეს ვრცელი ანგარიში წარადგინა, სადაც ბოლო წლებში განხორციელებული პროექტები და რეფორმები მიმოიხილა.

25 წლის მაგდა პაპიძეს ბრალი ოფიციალურად დამამძიმებელ გარემოებაში ჩადენილი განზრახ მკვლელობისთვის წაუყენეს. გამოძიება მას ქმრისა და 5 წლის შვილის მკვლელობაში ადანაშაულებს.

სასულიერო პირები რუსთავი 2-ის წინააღმდეგ-დღეს ინტერნეტსივრცეში ეკლესიის მსახურის მორიგი ქადაგება გავრცელდა, სადაც მოძღვარი ტაძარში შეკრებილ მრევლს მოუწოდებს, რომ რუსთავი 2-ს ბოიკოტი გამოუცხადონ.

NDI-ის კვლევების ერთი ნაწილი მთლიანად ქვეყნის საგარეო პრიორიტეტებს დაეთმო. ტენდენცია ასეთია – ევროატლანტიკურ სტრუქტურებში ქვეყნის ინტეგრაციას გამოკითხულთა უმრავლესობა უჭერს მხარს. ევრაზიული კავშირის მომხრეთა რაოდენობა კი წინა კვლევასთან შედარებით შემცირებულია.

არჩევნებამდე 10 თვით ადრე ამერიკის ეროვნულ დემოკრატიული ინსტიტუტი ქვეყნის საშინაო და საგარეო პოლიტიკურ პრიორიტეტებზე მორიგ კვლევას აქვეყნებს. პოლიტიკური პარტიების რეიტინგებში პირველი სამეულის რიგითობა შენარჩენებულია – ქართული ოცნება, ნაციონალური მოძრაობა და თავისუფალი დემოკრატები. წინა გამოკითხვასთან შედარებით ციფრებში ცვლილებაა, თუმცა არა რადიკალური.

ერთ–ერთი ყველაზე მნიშვნელოვანი მაჩვენებელი გამოკითხულთა ის ჯგუფია, რომელსაც ჯერ არ აქვს გადაწყვეტილი ვის მისცემს ხმას. ასეთი კი რესპოდენტთა 60 პროცენტია. Читать дальше...

პარლამენტის ვიცესპიკერი მანანა კობახიძე ხვალ გაზეთ ქრონიკა+ს და მის მთავარ რედაქტორს ელისო კილაძეს სასამართლოში  უჩივლებს. კობახიძის ინტერესებს ადვოკატი დავით ლანჩავა დაიცავს. 

გვიან ღამით თბილისში საპატრულო ეკიპაჟი ფეხით მოსიარულეს შეეჯახა. შემთხვევა ბახტრიონის ქუჩაზე მოხდა. არსებული ინფორმაციით  შემთხვევის შედეგად დაიღუპა დავით პეტრიაშვილი. 

მეუღლისა და შვილის მკვლელობაში ბრალდებულ მაგდა პაპიძეს ბრალი ოფიციალურად წაუყენეს. 25 წლის ქალს პროკურატურამ ბრალი ორმაგ მკვლელობაში წარუდგინა. გამოძიების ინფორმაციით, დაკავებულმა ურთიერთ შელაპარაკების ნიადაგზე ბლაგვი საგნის ჩარტყმით ჯერ ქმარი მოკლა შემდეგ კი 5 წლის შვილი. ასევე გამოძიების ინფორმაციით მკვლელობის შემედგ მან კვალის დაფარვის მიზნით, ცხედრები საცხოვრებელი ბინიდან, კორპუსის წინ, ეზოში გაიტანა და შემთხვევის ადგილიდან მიიმალა. 

„ენერგეტიკის დარგში ძალიან ბევრი მნიშვნელოვანი პროექტები ხორციელდება ჩვენი ქვეყნის მომავლისთვის,“ - ენერგეტიკის მინისტრი კახა კალაძე მთავრობის სამწლიანი ანგარიშის შემაჯამებელ დოკუმენტს აფასებს.

მთავრობის მეთაურის მოხსენების შემდეგ სამწლიანი ანგარიშის შემაჯამებელი დოკუმენტი საქართველოს სახელმწიფო მინისტრმა ევროატლანტიკურ სტრუქტურებში ინტეგრაციის საკითხებში დავით ბაქრაძემ შეაფასა.

დავით უსუფაშვილმა და ეკა ბესელიამ პარლამენტის ბიუროს სხდომაზე იკამათეს.

სამწლიანი ანგარიშის შემაჯამებელი დოკუმენტი შეაფსა საქართველოს შრომის, ჯანმრთელობისა და სოციალური დაცვის მინისტრმა დავით სერგეენკომ. მინისტრი ჯანდაცვაში განხორციელებული რეფორმებით კმაყოფილია.

The Prime Minister says that European integration is a cornerstone for Georgia. Irakli Garibashvili focuses on the positive report of the European Commission .

პრემიერი ამბობს, რომ ევროინტეგრაცია საქართველოს მთავარი ქვაკუთხედია. ამასთან ირაკლი ღარიბაშვილი კიდევ ერთხელ უსვამს ხაზს ევროკომისიის დადებით ანგარიშს და აქვე განმარტავს, რომ საქართველოსთვის 2015 წელი ნატო-სთან მიმართებაში ძალიან მნიშვნელოვანი იყო. 

A Chairman of the Center  for Economic Development commented on NDI"s research and stated that the country is poorer compared to last year.

ეროვნულ დემოკრატიული ინსტიტუტის (NDI)-ის კვლევების შედეგებზე ეკონომიკური განვითარების ცენტრის თავმჯდომარემ, რომან გოცირიძემ ისაურბა და განაცხადა, რომ ქვეყანა წინა წელთან შედარებით უფრო ღარიბია.  

"Parallel Universe, imaginative reality, shameful and cynical,"- this is how Goka gabashvili, the UNM member assessed the report of Irakli Garibashvili.

"პარალელური სამყარო, წარმოსახვითი რეალობა, სამარცხვინო და ცინიკური,"- ეს იმ ფრაზებისა და სიტყვების არასრული ჩამონათვალია, რომლითაც ერთიანი ნაციონალური მოძრაობა პრემიერმინისტრის მიერ  3 წლის შეჯამებას გამოეხმაურა.

"Unfortunately Georgian government has not done anything to oppose Russian propaganda and information war"- stated Khatuna Lagazidze while assessing the NDI surveys.

„სამწუხაროდ საქართველოს ხელისუფლებამ, ბოლო სამი წლის განმავლობაში არაფერი დაუპირისპირა რუსეთის პროპაგანდისტულ საინფორმაციო ომს,“ - ასე შეაფასა საქართველოს განვითარების ფონდის წევრმა ხათუნა ლაგაზიძემ ეროვნულ დემოკრატიული ინსტიტუტის (NDI)-ის კვლევები. ლაგაზიძე აცხადებს, რომ ციფრებზე საქართველოს ხელისუფლებაც არის პასუხისმგებელი.

 We"ll have simplified travel with Russia,  nothing is required from us in return," - said Zurab Abashidze, the special l representative for relations with Russia.