Новости за 21.03.2017

არსებულ ნარკოპოლიტკაზე და ამ პოლიტიკის შედეგად დაზარალებული ადამიანების საკითხზე, გადაცემა არჩევანის პირდაპირ ეთერში  ერთიანი ნაციონალური მოძრაობისა და თავისუფალი დემოკრატების წარმომადგენლებმა იკამათეს.

საქართველოს პარლამენტის წევრი, ფრაქცია ქართული ოცნების წევრი, ლევან კობერიძე, ჯანდაცვის კომიტეტში ნარკოპოლიტიკის ლიბერალიზაციასთან დაკავშირებით დაწყებულ მსჯელობებზე არჩევანის ეთერში საუბრობს.

„თუ გახსოვთ რაიმე, რაც 1960-იანი წლებიდან არ შეცვლილა,“ - საქართველოში არსებული ნარკოპოლიტიკის თაობაზე ახალი პოლიტიკური ცენტრი - გირჩის პოლიტიკური საბჭოს წევრმა, იაგო ხვიჩიამ,არჩევანის პირდაპირ ეთერში ისაუბრა.

თავისუფალი დემოკრატების აღმასრულებელი მდივანი, ლევან სამუშია, ნარკოტიკების ჩადების შესახებ არჩევანის ეთერში საუბრობს. მან აღნიშნა, რომ ჩადებები და უკანონო საქმიანობები ნაციონალური მოძრაობის დროსაც მიმდინარეობდა.

პარლამენტის ფრაქცია მოძრაობა თავისუფლებისთვის - ევროპული საქართველოს თავმჯდომარე, გიგი წერეთელი, აცხადებს, რომ დროის მცირე მონაკვეთში პოლიტიკურ პროცესებში აქტიურად ჩართული პირების ახლობლების დაკავება ეჭვებს ბუნებრივად ბადებს.

ერთიანი ნაციონალური მოძრაობის წევრი, კოტე იოსელიანი, არჩევანის ეთერში ინსტიტუციების ჩამოშლაზე საუბრობს. მისი თქმით, ნარკოტიკების ჩადებამ უკვე რეგულარული ხასიათი მიიღო.

საქართველოს პარლამენტის წევრი, ფრაქცია ქართული ოცნების წარმომადგენელი, ლევან კობერიძე, აცხადებს, რომ ნარკოტიკული საშუალების შეძენა-შენახვის ფაქტზე დაკავებისა თუ ბრალდების საკითხებზე უფრო ფრთხილი საუბარია საჭირო.

„დღეს არსებული ნარკოპოლიტიკა მთლიანად სცდება ადამიანის ზრუნვის ფარგლებს და ის არის მთლიანად რეპრესიული და პოლიციური,“ - ასე აფასებს ადამიანის უფლებების სწავლებისა და მონიტორინგის ცენტრის იურისტი, გურამ იმნაძე, ქვეყანაში არსებულ ნარკოპოლიტიკას.

მოძრაობა თეთრი ხმაურის აქტივისტი, დავით სუბელიანი, აცხადებს, რომ იმ შემთხვევაში, თუ ხელისუფლებას სურს, არსებული ნარკოპოლიტიკა პოლიტიკური ინტერესებისთვის გამოიყენოს, მაშინ მმართველი გუნდი მას არ შეამსუბუქებს.

ნარკოტიკული საშუალების შეძენა-შენახვის ბრალდებით დაკავებული მიხეილ თათარიშვილის ადვოკატი და ახლობლები აღნიშნავენ, რომ ბრალდებულის დაკავების მოწმეები შეშინებულები იყვნენ და ეს ფარულად გადაღებულ ვიდეოებშიც ჩანს.

მიხეილ თათარაშვილის ადვოკატი, მარიკა ფხალაძე, ოპერატიული პატაკის შესახებ საუბრობს. ადვოკატის თქმით, 15 მარტს მოხდა პოლიციისთვის მიხეილ თათარაშვილის შესახებ ინფორმაციის მიწოდება, რომ ის სურამში იმყოფებოდა და ნარკოტიკული საშუალება ჰქონდა. ადვოკატის თქმით, ინფორმაციის წყაროს მიერ ინფორმაციის მიწვდიდან 15 წუთში დააკავეს მიხეილ თათარიშვილი.

„ხელისუფლებასაც ძალიან ეშინია იმიტომ, რომ მათი ამოცანა იყო ჩვენი დემორალიზება და არ გამოივიდათ,“ - ეს განცხადება ელისო კილაძემ გადაცემა არჩევანის პირდაპირ ეთერში გააკეთა.

დაკავებულ მიხეილ თათარიშვილის მამა, ლადო თათარიშვილი, შვილზე მიმდინარე მუქარის შესახებ ინფორმაციას ფლობდა. მისი თქმით, სამართალდამცავების მხრიდან ჰქონდა ინდორმაცია, რომ სწორედ შვილის შესაძლო დაკავების შესახებ ინფორმაციას.

საქართველოს ადვოკატთა ასოციაციის თავმჯდომარე, ზაზა ხატიაშვილი, აცხადებს, რომ დღეს ჟურნალისტების დამსახურებით სამოქალაქო საზოგადოება თვალს ადევნებს, თუ როგორ იბრძვის ელისო კილაძე თავისი შვილისთვის და პრეზიდენტის შვილი, ანა მარგველაშვილი, თავისი მეგობრისთვის და ეს ძალიან მნიშნელოვანია.

გაზეთ ქრონიკა პლუსის მთავარი რედაქტორის შვილის, დავით ხარშილაძის, ადვოკატის, ვალერი გელბახიანის, თქმით, დაკავების დროს დაფიქსირებულია ძალის გადამეტების შემთხვევები. ადვოკატის თქმით, დავით ხარშილაძეს ემუქრებოდნენ, რომ სამუდამოს მიუსჯიდნენ.

„ევროპის სასამართლო არ წარმოადგენს ზემდგომი ინსტანციის სასამართლოს, არ არის უფლებამოსილი, გააუქმოს, შეცვალოს, ქვეყნის შიდა სასამართლოს გადაწყვეტილებები,“ - ელისო კილაძემ გადაცემა არჩევანის პირდაპირ ეთერში მმართველი გუნდის ე.წ. მესიჯ ბოქსებიდან ამონარიდები წაიკითხა.

გაზეთ ქრონიკა პლუსის მთავარი რედაქტორი, ელისო კილაძე, მისი შვილის საქმეში ბიძინა ივანიშვილის ინტერესებს ხედავს. ელისო კილაძის თქმით, დეტექტივ-გამომძიებლის თანაშემწესთან, კუკური წივწივაძესთან, რამდენიმე შეკითხვა აქვთ.

„ჩვენ ვიცოდით ამის თაობაზე, ინფომარცია გვქონდა და ვიყავით ძალიან ფრთხილად,“ - განაცხადა ელისო კილაძემ.

პრეზიდენტის შვილი, ანა მარგველაშვილი, დარწმუნებულია, რომ მისი მეგობარი, რომელიც ნარკოტიკული საშუალების შეძენა-შენახვისთვის არის ბრალდებული, უდანაშაულოა.

ანა მარგველაშვილი მისი სხვა მეგობრების დაკავებასაც არ გამორიცხავს. არჩევანის ეთერში პრეზიდენტის შვილმა აღნიშნა, რომ შესაძლოა, გოგოჭური არ დააკავონ, თუმცა მის კიდევ ერთ მეგობარს, თორნიკე კაჭარავას, მსგავსი ქმედებების განხორციელებას აპირებს სამართალდამცავი ორგანოები.

პრეზიდენტის შვილი სუს-ის თანამშრომლების მიერ მის საახლობლოზე მიმდინარე თვალთვალზე საუბრობს.

„ეს ნაბიჯი, ალბათ, გადამადგმევინა სამწუხაროდ იმან, რომ პირადად მე შემეხო და ჩემს საახლობლო წრეს შეეხო ეს პრობლემა, რაც დღეს გვიდგას,“ - ეს განცხადება საქართველოს პრეზიდენტის შვილმა გადაცემა არჩევანში გააკეთა.

სამწლიანი პაუზის შემდეგ მამუკა ჩარკვიანი კონცერტისთვის ემზადება, თუმცა ამჯერად მის ნაცვლად რეპეტიციას ნაცნობი რეპერტუარის მოსამზადებლად სხვა მომღერლები გადიან.

რეზო გიგინეიშვილის ფილმის მძევლების მთავარი გმირები ჟურნალისთვის პოზირებენ. ფოტოსესია დღეს გაიმართა და მასში მონაწილეობას ფილმის მთავარი გმირები იღებდნენ.

მეტეოროლოგები ქვეყნის მთელ ტერიტორიაზე ამინდის მკვეთრ გაუარესებას პროგნოზირებენ. ნულს ქვემოთ ტემპერატურის ვარდნა, როგორც აღმოსავლეთ, ისე დასავლეთ საქართველოშია მოსალოდნელი. სპეციალისტები ჯერჯერობით ვერ პროგნოზირებენ, რა ზიანი შეიძლება, მიაყენოს ყინვამ რეგიონებში მცხოვრებ მოსახლეობას.