«Зәй офыклары»

Дәүләт алкоголь инспекциясенең Түбән Кама территориаль органына мөрәҗәгать итүчеләрнең күпчелеге өй җиһазларының түбән сыйфатлы булуыннан, аларның вакытында кайтарылмавыннан, килешүдә күрсәтелгән вакытның төгәл үтәлмәвеннән зарлана.

Узган атнада  Зәй районның янгын күзәтчелеге бүлеге һәм 88нче янгын часте хезмәткәрләре бергәләп, сусаклагыч буенда урман эчендә утырган “Жемчужная” балалар ял лагеренда булып, анда ял итүчеләр белән янгын куркынычсызлыгы буенча дәрес, аңлату эшләре алып бардылар. Табигатьнең үзенчәлекле матур почмагында утырган, суы да якын булган бу лагерьда мондый чара үткәрү аеруча мөһим. Суда үзеңне ничек тотарга кирәклеге, өйдә, урамда, урманда, транспортта, шырпы белән эш итәргә туры килгәндә, янгын куркынычсызлыгы таләпләрен үтәү мөһимлеге... Читать дальше...

Зәй районы балигъ булмаганнар эшләре һәм яшүсмерләрнең хокукларын яклау комиссиясенең чираттагы утырышында 23 эш каралды. Анда спиртлы эчемлек кулланып полициягә эләккән яшүсмерләр дә, балаларына тиешле игътибар бирмәүче әти-әниләр эшләре дә бар. Бер кечкенә баланың икенче кат тәрәзәсеннән егылып төшүен, икенче бер бакча яшендәге баланың өйдән чыгып китүен ата-аналары күрми кала. Бу фактлар комиссия утырышында аеруча  басым ясап тикшерелде. Әлеге утырыштан язманы “Зәй офыклары газетасының киләсе саныннан укыгыз. Читать дальше...

Район балигъ булмаганнар эшләре һәм яшүсмерләрнең хокукларын яклау комиссиясе күзәтүендә булган балаларның җәйге ялын оештыру максатында, аларны ял лагерьларына җибәрү карала. Хәзерге вакытта шундый 6 бала “ Йолдызлы десант” республика  палаткалы лагеренда ял итә. 19 июльдән исә бирегә чираттагы сменага тагын 10 баланы җибәрү күздә тотыла, ә Кама Аландагы “Патриот” лагерена 19 июльдән 25 яшүсмер бер атналык ялга җибәрелә. Монда балалар хәрби уеннарда катнаша, кыр шартларында мөстәкыйль яшәү рәвешен үзләштерә. Читать дальше...

Дәүләт Думасы депутаты, бокс буенча дөньяның элеккеге чемпионы Николай Валуев "Спокойной ночи, малыши!"! тапшыруын алып бара башлаячак.

Биләрдә  "Сәләт" V Халыкара яшьләр белем бирү форумы ачылды. Быел агда 5 меңнән артык кеше катнаша, аларның күпчелеген предмет олимпиадалары, фәнни конференция һәм конкурс җиңүчеләре тәшкил итә. Алар арасында Зәй яшьләренең дә булуы куанычлы. Район мәгариф идарәсе башлыгы белдерүенчә, анда 20 баладан торган төркем китте.  Форум эшендә Татарстан Президенты Рөстәм Миңнеханов катнашып, яшь буынның бердәм, актив, белемгә омтылып яшәвен хуплавын белдерде, алга таба да сәләтле балалар сафының ишәюен теләде. Читать дальше...

 «Арбаны кыштан, чананы җәйдән әзерлә”, ди халык. Шуны күздә тотып районда кышкы чорга әзерлек мәсьәләләре көнүзәк темаларның берсе булып тора. Кичә район башкарма комитеты җитәкчесе Илнар Хафизов рәислегендә 2016-2017 елгы җылыту сезонына хәстәрлек мәсьәләләре каралды. Анда торак-коммуналь хуҗалыгы, оешма-предприятиеләрнең, социаль объектларның җылыту сезонына әзерлеге, хәл итәсе мәсьәләләр барланды.   

Республикада сулыклар тирәләрен чистарту буенча “Чиста яр” акциясе игълан ителә. Шул уңайдан 13-23 июль көннәрендә Зәй районы территориясендә дә елга, күлләр тирәләрен, чишмә буйларын чүп-чардан арындыру, чүп үләннәренән чистарту эше оештырыла. Ункөнлектә һәр зәйленең актив катнашуы сорала.

“Заман” җитештерү сәнәгать паркында эш кызу темплар белән бара. Анда инде элеватор өчен фундамент төзелеше төгәлләнү алдында тора. Элеватор комплексының куәте 150 мең тоннага исәпләнә. Бу предприятие “Заман”да иң беренче калкып чыгачак, тагын монда үсемлек мае сыктыру һәм сөт заводлары булдыру планлаштырылган.

Зәйнең “Энергия” стадионын төзекләндерү республика программасы нигезендә башкарыла. Билгеле булганча, анда заманча футбол кыры булдырылды, хәзерге вакытта җиңел атлетиканың төрле төрләре белән шөгыльләнү мөмкинлеге тудыру өчен эш дәвам итә. Футбол кыры әйләнәсе буйлап йөгерү өчен махсус юл түшәлә, ә футбол капкалары артының бер ягында пляж волейболы өчен мәйданчык булдырылды . Боларга өстәп, тагын теннис корты, сикерү секторы, бадминтон уены мәйданчыгы эшләнәчәк. Физкультура, спорт һәм туризм идарәсе башлыгы Илфат Әшрәпов белдерүенчә... Читать дальше...