Антуан Семеньо "Арсенал"ни танлади

Борнмут жамоаси вингери Антуан Семеньо фаолиятини қайси клубда давом эттиришни танлади. SunSport хабарига кўра, Семеньога Лондоннинг "Арсенал" клуби билан шартнома имзолаш истиқболи жуда ёқади.

Шу сабабли, у "Тоттенҳем"дан узоқлашган, гарчи бу клуб ҳам футболчига қизиқиш билдираётган бўлса. Маълум бўлишича, 25 ёшли вингернинг "Борнмут" билан тузилган шартномасида товон пули миқдори 74 миллион евро этиб белгиланган.

Жорий мавсумда Семеньо барча мусобақалар доирасида 15 ўйинда майдонга тушиб, 6 та гол урди ва 3 та голли узатма амалга оширди.