Стивен Жеррард "Ливерпул"га қайтишни хоҳламоқда, музокара олиб борилмоқда
«Ливерпул»нинг собиқ яримҳимоячиси ва сардори Стивен Жеррард жамоага қайтишга жуда хоҳишли эканлигини билдирган ва агар Арне Слот ишдан бўшатилса, жамоани вақтинча бошқаришга тайёр. Бу ҳақда Football Insider нашри хабар берди.
Манбага кўра, клуб раҳбарияти Жеррардни вақтинча бош мураббий этиб тайинлаш масаласини муҳокама қилган. Аммо бундай ҳолатда, Жеррард Саудия Арабистонининг «Ал Иттифоқ» клубидаги фаолияти даврида олинган даромадларининг кўп қисмидан воз кечишга мажбур бўлиши мумкин. Бу масала солиқ мажбуриятлари билан боғлиқ экани таъкидланмоқда.
Шунингдек, вазият апрель ойигача, яъни 2024–2025 солиқ йили якунланишига қадар давом этиши кутилмоқда.
Эслатиб ўтамиз, Стивен Жеррард 2021–2022 йилларда «Астон Вилла» бош мураббийи сифатида фаолият олиб борган. Агар у «Ливерпул»га қайтса, бу жамоа учун янги бир давр бошланиши мумкин.