Капелло “Милан”га ҳимояда ишонч берадиган ҳимоячи керак деди
“Милан”нинг собиқ бош мураббийи ва Россия терма жамоаси билан ишлаган Фабио Капелло клубнинг бугунги таркибида нимадир етишмаётганини айтди. Мутахассис фикрича, “россонери”га мудофаада барқарорлик қўшадиган тажрибали ҳимоячи зарур. Бу ҳақда euro-football.ru хабар беради.
Капеллонинг таъкидлашича, айни пайтда дарвозабон Майк Менян кўпинча ҳимоядаги хатоларни “тозалаш”га мажбур бўляпти. Шу билан бирга, у кучли ҳимоячилар ҳозир кўпроқ Саудия Арабистони ёки Англия клубларини танлаётганини қайд этди, дея келтиради pianetamilan.it.
Эслатиб ўтамиз, кеча А Сериянинг 17-турида “Милан” ўз майдонида “Верона”ни 3:0 ҳисобида йирик тарзда мағлуб этди.